ലേക്‌ഷോർ ആശുപത്രിയിലെ ഡോക്ടർമാർ അന്നനാളം നീക്കം ചെയ്യാതെ എൻഡോ റോബോട്ടിക് ശസ്ത്രക്രിയയിലൂടെ അന്നനാള കാൻസർ ഭേദമാക്കി. ലോകത്ത് ആദ്യമായാണ് ഇത്തരം ശസ്ത്രക്രിയ നടക്കുന്നതെന്ന് അധികൃതർ അവകാശപ്പെട്ടു.

പാലക്കാട് സ്വദേശിയായ ദേവകിയമ്മ (75) ആണ് പുതിയ ചികിത്സാരീതിയിലൂടെ പുതുജീവൻ ലഭിച്ചത്. ഒരു വർഷം മുൻപ് കാൻസർ ബാധിച്ചെങ്കിലും 6 മാസത്തോളം ആരോടും പറഞ്ഞില്ല. കോയമ്പത്തൂരിൽ നടത്തിയ റേഡിയേഷൻ ചികിത്സ ഫലം കാണാതെ വന്നപ്പോഴാണ് ലേക്‌ഷോറിൽ എത്തിയത്.

ആദ്യ ശസ്ത്രക്രിയ ആയതിനാൽ ഏകദേശം 8 ലക്ഷം രൂപയോളം ചെലവായി. ഇതിലും കുറഞ്ഞ തുകയ്ക്ക് ഇനി ചെയ്യാനാകുമെന്നാണു പ്രതീക്ഷയെന്ന് ആശുപത്രി എംഡി എസ്.കെ. അബ്ദുല്ല പറഞ്ഞു